Uşaqlıq Yoluna Doğulan Mioma
Submukoz miomalar bir sap ilə əzələ qatına bağlı şəkildə böyüyə bilərlər. Zamanla böyüyən submukoz miomaların sapı uzanmağa başlayır.
Uşaqlıq Yoluna Doğulan Mioma Nədir?
Submukoz miomalar bir sap ilə əzələ qatına bağlı şəkildə böyüyə bilərlər. Zamanla böyüyən submukoz miomaların sapı uzanmağa başlayır. Mioma cazibə qüvvəsinin təsiri ilə uşaqlıq boynuna doğru təzyiq etməyə başlayır. Miomanın ölçüsünə və uşaqlıq boynunun açıqlığına bağlı olaraq bu submukoz miomalar nadir hallarda uşaqlıq boynundan kənara, uşaqlıq yoluna çıxırlar. Bu miomalara uşaqlıq yoluna doğulmuş mioma deyilir. Bu miomalar tez-tez güclü və uzun aybaşı qanaxmasına, aybaşı dövründə və ya ondan kənarda ağrıya səbəb olurlar. Bu miomaların ən çox qorxulan xüsusiyyəti isə infeksiyalaşmasıdır. Əgər uşaqlıq yoluna doğulmuş mioma infeksiyalaşıbsa, pis iyli ifrazata, hərarətin yüksəlməsinə, zəifliyə və qanda infeksiya göstəricilərinin artmasına səbəb olur. Bu mənzərə çox ciddi bir vəziyyətdir. Uşaqlıq yoluna doğulmuş mioma bu vəziyyətə səbəb olmadan müalicə edilməlidir. Müalicəsi isə qarın divarına kəsik etmədən uşaqlıq yolundan daxil olaraq miomanın çıxarılmasıdır.